Մեծի Տանն Կիլիկիոյ Կաթողիկոս` Արամ Ա պիտի հանդիպի Ֆրանչիսկոս Պապին։

Յառաջիկայ 3 – 6 Յունիս 2014, Մեծի Տանն Կիլիկիոյ Կաթողիկոս` Արամ Ա, Հռոմ կը ժամանէ հանդիպելու համար Ֆրանչիսկոս Սրբազան Քահանայապետին հետ ու Վատիկանի մէջ, 5 Յունիսին, միասնաբար աղօթելու համամիութեան համար։Իր կեցութեան ընթացքին, Վեհափառ Տէրը առիթ կ՛ունենայ հանդիպելու նաեւ Քրիստոնեաներու Միութեան Քահանայապետական խորհուրդի պատասխանատուներուն ու Քահանայապետական այլ խորհուրդներու անդամներուն հետ։Արամ Ա. պիտի այցելէ նաեւ Սուրբ Պետրոսի դամբանը ու աղօթք պիտի մատուցէ Սուրբ Պետրոս տաճարին մօտ զետեղուած Սուրբ Գրիգոր Լուսաւորիչի արձանին առջեւ։
Յայտնենք որ այս երրորդ անգամն է որ Արամ Ա այցելութիւն կը կատարէ Վատիկան։ Առաջին այցելութիւնը տեղի ունեցած էր 1997-ի Յունուարին` Սուրբ Յովհաննէս Պօղոս Բ օրով, ապա 2008-ի նոյեմբերին, Պենետիկտոս ԺԶ Վաստակաւոր Քահանայապետի օրով։
Արամ Ա ծնած է 1947-ին ու Մեծի Տանն Կիլիկիոյ կաթողիկոսութեան աթոռի վրայ բարձրացած` 28 յունիս 1995-ին։
Նշենք թէ անցեալ 8 մայիսին Գարեգին Բ Ամենայն Հայոց կաթողիկոսը եւս հանդիպում ունեցաւ Ֆրանչիսկոս Սրբազան Քահանյապետին հետ Վատիկանի մէջ։